去法國旅行，我覺得食海鮮係一定要的（假設沒有敏感），特別去位於近海地區。
法國物價高，因為人工高和sales tax的關係。舉個例子：一隻法國高品質雞蛋大概HK$3，朋友告訴我香港買一隻來自日本高品質雞蛋大概HK$2.5；法國一個McDonald餐大概HK$80，香港大概是HK$25。然而，海鮮卻是相反。圖中這個二人海鮮併盤只需€40！香港食至少HK$1000(約€100）吧！！！雖然我對海鮮不是非常熱愛，但真心覺得好味，除了生蠔。讓我花一個段落說清楚點。
今日食的生蠔，如果相比香港食到的已經是不錯；但相比法國食到的就只是一般。原因是現在不是時候。根據法國人所講，月份有"r"的就是時候，換言之，5-8月就不是了。法國人食生蠔一般只會落檸檬汁；食完後或會將蠔水溝酒飲。 我個人比較喜歡法國生蠔，喜歡那種金屬味，雖然細細隻，但long lasting，而最重要是食得放心。
至於其他海鮮，通常一年四季都不錯，除了四月是沒有青口（mussel)。青口亦是出名的，通常配炸薯條，價錢亦相當吸引，大概是€15就有一份。有的小餐廳更會推出"青口炸薯條buffet"，我曾經食過一次，大概是€10一位（酒水另計），真係大滿足！個人覺得食海鮮可以幫襯小店，一來價錢優惠，二來廚師技術相對次要，只要貨源新鮮就好了。還有一點就是食得開懷，食海鮮難免會用到手，試想想身處一間高級餐廳會是怎樣...）。最近聽聞有餐廳逢星期四晚做"海鮮buffet"，每位€28...
總結是去法國旅行食海鮮是highly recommend的。
Search